من شوية قريت ارتيكل عن ازاى انتى ك"انثى" تعرفى الشخص اللى قدامك ده بيتكلم عن معتقداته و انجازاته كنوع من الاستعراض الذكورى الطبيعى لاى راجل، اللى بيبقى فى الحالة دى مستنى مدح و تطبيل على قد ما ربنا يقدرك؛ ولا بيتكلم عن معتقداته و انجازاته كنوع من النرجسية علشان عاوزك تنبهرى بقد ايه هو "جامد تنين" فا يحس بنفسه اوى و يغذى نرجسيته دى، من غير ما يبقى فارق معاه ب2 جنيه لب انتى ملة اهلك ايه، مبسوطة ولا لا، مرتاحة ولا لا، و هكذا..!
لما عملت اسقاط للمنظور ده على حياتى، لقيت ان تقريبا 90% من الرجالة اللى اتعاملت معاهم فى شغلى، الرجالة اللى محققه نجاح مهنى و مادى ملحوظ، ديما بيبقوا من النوع التانى (النرجسى الفقيع ده)..
ليه اعتقاد "انا معايا فلوس" ده مخليك تتصرف كانك واخد كارت بلانش فى مجتمع الرجالة فا تخش تنطح براحتك فى اى واحد لو اتحطيت فى مقارنة معاه فى محاولة لكسب بنت مثلا!
مرة.. قعدت مع عريس.. فى نص الكلام قالى انا عندى عربية و شقة 120 متر فى التجمع!
ايوة يعنى اهلا وسهلا، انا امنية و معايا موبايل سامسونج بسماعاته، ها .. ده هيدى ادنى معلومة عن قابليتى لفتح بيت و تكوين اسرة و احتواء "راجل"؟!
فكك من ان مجتمعنا و هو اللى ممكن يكون ربى ال mindset بتاعك كراجل انك فعلا "مايعيبكش الا جيبك"، انا اتربيت فى مجتمع كونلى mindset انى اله للطبخ و المسح و انجاب الاطفال، هل خضعت لده؟ لا.. فا متعش 😉، هل انت نفسك حاسس انك مليان من جوة(و اصلا النرجسية بتبقى ناتجة من احساس عنيف بالنقص يعنى)؟ هل حاسس ان فعلا فلوسك و نجاحك المهنى و المادى ده "كفاية"؟! ده اللى "هيشبع" ال"ست" اللى معاك؟ هل انت نفسك بتشبع و تحس بالرضا لما تحس انك متشاف ك"سرة من الدنانير" و محدش باصص ولا واخد باله من الطفل اللى جواك اللى محتاج حب و حنان و احتواء؟!
طول ما انت بتتباهى بالماديات مش هتلاقى حواليك غير اللى عاوز الماديات!
بردو ما تعش و تقول كل البنات مادية، علشان "كل" معناها تعميم و ده غلط، و طبيعى يبقى حواليك النوع ده طول ما انت بالmindset ده!
يعنى، طول ما انت مش شايف فى نفسك غير فلوسك محدش تانى هيشوف فيك حاجة غيرها!
و بردو طول ما انتى بتبصى على اللى جيبه مليان، مش هيخش حياتك حد عنده قلب اصلا علشان انتى مش عاوزه تشوفي غير الفلوس!
و صباح الفل هنفضل ندور فى حلقة مفرغة كدة و نطلع فى اجيال مشوهة نفسيا الى الابد! علشان بنتجوز موبايلات ابل و بنعيش فى شقق 120 متر!
لما عملت اسقاط للمنظور ده على حياتى، لقيت ان تقريبا 90% من الرجالة اللى اتعاملت معاهم فى شغلى، الرجالة اللى محققه نجاح مهنى و مادى ملحوظ، ديما بيبقوا من النوع التانى (النرجسى الفقيع ده)..
ليه اعتقاد "انا معايا فلوس" ده مخليك تتصرف كانك واخد كارت بلانش فى مجتمع الرجالة فا تخش تنطح براحتك فى اى واحد لو اتحطيت فى مقارنة معاه فى محاولة لكسب بنت مثلا!
مرة.. قعدت مع عريس.. فى نص الكلام قالى انا عندى عربية و شقة 120 متر فى التجمع!
ايوة يعنى اهلا وسهلا، انا امنية و معايا موبايل سامسونج بسماعاته، ها .. ده هيدى ادنى معلومة عن قابليتى لفتح بيت و تكوين اسرة و احتواء "راجل"؟!
فكك من ان مجتمعنا و هو اللى ممكن يكون ربى ال mindset بتاعك كراجل انك فعلا "مايعيبكش الا جيبك"، انا اتربيت فى مجتمع كونلى mindset انى اله للطبخ و المسح و انجاب الاطفال، هل خضعت لده؟ لا.. فا متعش 😉، هل انت نفسك حاسس انك مليان من جوة(و اصلا النرجسية بتبقى ناتجة من احساس عنيف بالنقص يعنى)؟ هل حاسس ان فعلا فلوسك و نجاحك المهنى و المادى ده "كفاية"؟! ده اللى "هيشبع" ال"ست" اللى معاك؟ هل انت نفسك بتشبع و تحس بالرضا لما تحس انك متشاف ك"سرة من الدنانير" و محدش باصص ولا واخد باله من الطفل اللى جواك اللى محتاج حب و حنان و احتواء؟!
طول ما انت بتتباهى بالماديات مش هتلاقى حواليك غير اللى عاوز الماديات!
بردو ما تعش و تقول كل البنات مادية، علشان "كل" معناها تعميم و ده غلط، و طبيعى يبقى حواليك النوع ده طول ما انت بالmindset ده!
يعنى، طول ما انت مش شايف فى نفسك غير فلوسك محدش تانى هيشوف فيك حاجة غيرها!
و بردو طول ما انتى بتبصى على اللى جيبه مليان، مش هيخش حياتك حد عنده قلب اصلا علشان انتى مش عاوزه تشوفي غير الفلوس!
و صباح الفل هنفضل ندور فى حلقة مفرغة كدة و نطلع فى اجيال مشوهة نفسيا الى الابد! علشان بنتجوز موبايلات ابل و بنعيش فى شقق 120 متر!
