انا زعلانة

انا زعلانه



زعلانه !!! ماعادي ايه يعني زعلانه !!!



لالالا المرا دي بجد زعلانه !!!



زعلي انهاردا غير اي مرا



انا زعلانه من نفسي ودي تفرق



عشان كدا بقول زعلانه



نفسي ازاي تعمل فيا كدا ؟



مليون مرا اعاقبها وبردو تكرر نفس الغلط



هي غبيه ولا مبتفهمش ولا دا عبط



كل مرا تغلط وانا اللي اتحمل



اقول معلش المره الجايه هتتعلم



انا مش هديكي اي اعزار



لاتقوليلي مخنوقه ولاكان اضطرار



المخنوقه تسكت متتكلمش



ابعدي عن الناس وقولي معلش



يعني تتكلمي مع الناس وتهزري وتجبيلي الاهانه؟؟؟...... لا مــــــــــــــعلش



وقت ماتبقي مخنوقه خليكي لواحدك



انا كل مره فالدرس دا بشرحلك



مليووون مره اقول متداريش دموعك بالهزار


متتكلميش معايا انتي بتزعليني



اناكنت محتجاكي انتي اللي تساعديني



انتي عارفه اللي بيوجعني وبتروحي برجلك ليه



الا الاهانه مقدرش اتحملها وانتي عارفه ليه



عجبك كدا انتي مرتاحه دلوقتي ؟

بتعملي فيا ليه كدا؟

انا من جوايا اتكسرت وافتكرت ان انتي اللي بقيالي

ولما قلبي تعبني شيلتو وسيبت مكانو خالي


ولو انتي يانفسي هتجبيلي الاهانه عاااااااااااادي هدوس عليكي بالجزمه وبردو مليش غالي

محناش فراش للموت

عاوز الحق...هم شوية زعل كتير..آد الدنيا كلها
زعلانة منك على الحاجات اللي عملتها ..
وزعلانة على الحاجات اللي معملتهاش
زعلانة على اللي بيحصلك واللي هيحصلي




زعلانة عشان انت سبت الفراشاتي تدبل
 ‎و خايفه اشوفك ملاقيش حوليك فراشات طايرة




زعلانه عشان لما قولتلك اني زعلانه ماهتمتش و زعلتني اكتر




زعلانة عشان انا دلوقتي حاسة اني طفل تايهه
و ماحدش بيدور عليها
وعشان انا كنت حاسة بالامان اووي و الدفا اووي
 و دلوقتي هموت سقعانه لوحدي




زعلانة عشان انا عماله اضحك من كتر الالم و الحاسرة اللي جوايه
و ماحدش فاهم حاجة




زعلانة عشان في يوم مهم زي ده
تخيلت اني لازم اكون معاك فية و اشركك فرحتك و نكبر مع
 بعض ..و انت استبدلتني بناس تانيه




زعلانة عشان لما قولتلك احنا مابقاش بنا غير بونجور و بون
 نوي قولتلي اي كلام..
و بعدين بطلت حتي تقولي بونجور و بون نوي




زعلانه عشان كان لسه في حاجات كتير اوي نعملها مع بعض
و اغاني نسمعها و افلام نشوفها و اماكن نرحها
و حتي كلام نقوله




زعلانة عشان ماكنتش بوحشك
ما كنتش بتصحيني بليل عشان تسمع صوتي
ماكنش شئ مهم عندك انك تسمع صوتي




زعلانة عشان واحنا مع بعض انا عمري ماحلمت بيك
بس دلوقتي بحلم بك علطول بحلم بك حتي و انا صحية




زعلانة عشان لما قررت تمشي ماقولتليش
و انا مالحقتش اشبع منك
وعشان اخر مرة شفتك ماقولتلكش كل اللي ف نفسي
عشان كنت واثقة ان الايام جاية كتير




زعلانة عشان وقت الخطر و الرصاص انا كنت معاك كنت
واقفة جنبك و بصيت ورايه لثانيه وبعدين ملاقتكش
زعلانة عشان انت ضيعتني و بعدين خفت عليا
و زعلانة عشان انا كنت ميته من الخوف و كنت واقفة
 مستنياك تيجي و انت ماجتش




زعلانة على كل حاجة ليك علاقة بيها
 حتى الحاجات اللي مش متعلقة بيك




زعلانة عشان بشرب لبن دلوقتي
وبعيط بحرقة




وزعلانة عشان اللي بكتبه.. وهموت بحسرتي لو مكتبتوش




زعلانة عشان مش هعرف أقولك لما توحشني..
أو أكلمك لما احس إني بحبك
وكمان عشان مش عارفة أبطل تفكير
وعشان كل ما بحلم بيك..مبتجيش لوحدك
بتجيب ناس توجعني معاك.




زعلانة عشان حاسة إني معملتش حاجة في حياتك..
مسبتش ورد وفراشات ملونة ورايا.
.يعني مكنتش موجودة..!!
أنا كنت خيال ملوش لازمة




.زعلانة زعل السنين..
اللي متقدرش مليون آسف تمسحه بكل بساطة.




 عشان أنت بإيدك..عملت كل حاجة تدعو للفراق..وأنا كملت
وأنا مصدقة إن قضبان القطر بتتقابل في نقطة في الأفق
بس لما القطر وصل بعيييييييييد...ملقتش إنهم اتقابلوا !
ولا عمرهم هيتقابلوا..

بالصور افتتاح مطعم كشرى أبو طارق بالقرية الذكية

افتتح مطعم كشرى أبوطارق الذى يملكه الحاج يوسف ذكى و يديره نجلاه طارق و حسن فرع جديد بالقرية الذكية.و يعد فرع القرية الذكية هو الفرع الثانى للمطعم بعد الفرع الرئيس بوسط البلد .و حضر الافتتاح المستشار محمد هاشم و الشيف حفناوي و نخبة من الفنانين و النجوم .وكان في استقبلهما الدكتور طارق يوسف نجل الحاج يوسف ذكي

بوست تحت الطلب

السواقة مابتتنسيش حتي لو قعدت فترة مابتسقش ,,الكتابة كمان مابتتنسيش .
ولاني معنديش اي فكرة محددة وضحة وصريحة في دماغي ومعنديش ادني فكرة انا المفروض اكتب ايه .
في الحقيقة السبب الوحيد اللي خلاني افتح البلوج تاني بعد ما كنت بفكر جديا اني اعقدها وارميها في الزباله
هو ان اسلام قالي ان الاجابات اللي بدور عليها كلها موجودة في اللي كتبته قبل كده ,, ومع اصراره اني اكتب تاني اديني اهو قاعده بكتب البوست الغريب ده..

8 حاجات هايلايت اليوم :

1-  حضرتالمحاضرة رغم شياطيني ونوازعي اللي فضلوا يقولولي، سيبك منها واقعدي خلصي الجَزَر اللي في اللانش بوكس -أصلي بعمل نظام غذائي عشان مخي يفرز دوبامين كتير الفترة الجاية- طلعت متأخرة نص ساعة وأنا بدعي الدكتور ياخد باله إني عديت العشر دقايق سماحية ويطردني، بس للأسف مخدش باله، وحفظت معلومة وحيدة منه، وقررت أستعين بولد من الأوائل يشرح لي، بس مش عارفة أفاتحه في الموضوع ازاي لسه.

2- شوفت منه وحضنتها أطول حضن في حياتي لحد ما قلبي استقر وهدي وبطل يدق بسرعة بدون داعي.

3- حضرت ميتنج شغل -مش صحافة سني جدًا وخلاني مش قادرة أستنى لما نبدأ في نُص خمسة وفي لحظة الميتنج افتكرت سمسمة برغم اني مش ناسياه

4- شتمت الدكتور النفسي، وقلتله إني هبطل الدوا غصب عنه أو برضاه، فتقريبا اتضايق مني شوية او شويتين كده، وخرجت حاسة إني كويسة جدا، غضبانة وحاسة إنه خذلني وممسكش فيا، ومدانيش قايمة بأضرار الانسحاب، ولا حلول أخرى غير الدوا، بس رحمني من "عزة" المساعدة بتاعته اللي كل مرة بنسى فيها الروشتة ورقم الملف بتاعي بتهددني إن المرة الجاية هتعضني (يارب تعض الدكتور وتجيبله شلل وكل العيانيين بتوعه ينبسطوا).

5- بابا صالحني وممكن أطلب منه أسافر!

6- بحضر لخروجة لوحدي مع كائن ف خيالي في كوستا كافيه
7- بروح كورس محادثة مسلي جدا والهووم وورك نسمع أغاني بحبها زي Gone, Gone, Gone و Home..!

8- قررت أرجع أكتب عشان ده العلاج النفسي اللي بينفض عن قلبي تراب وتعب اليوم...آي مين، أنا ممكن أتخيل حتى ولد أحبه زي فيلم Ruby Sparks ويطلع حقيقي في حتة معينة وأبعت له جوابات ولمّا نتقابل أفرجهاله! ياريت كنت جيت اكلت بيتزا .

كانت فراشة فوشيا

علي فكرة كان ممكن اوي تقولي انه خلاص كده ..

احنا اتفقنا ان لو حد فينا خلاص مش عايز يكمل يقول ..ساعتها قولتلي كلام مش فكره بالضبط بس بمعني ابدا و مستحيل وكلام سخيف من ده ..



كان ديما عندي هاجس انك هتسبني قريب اووي ..بس ماتخيلتش انه بالسرعه دي ..
و زي كل الناس اللي بحبهم بيمشوا في هدوء و من غير ولا كلمه  ..شئ قاتل


يعني ايه يعني نبقي مع بعض واحنا مش مع بعض ..و كل واحد لوحده ..يعني ايه !!؟


ماصدقتكش لما قولتلي امتحانات يعني ماعندكش 5 دقايق بس تطمن فيهم عليا ..كتير 5 دقايق يعني !؟


كسرت معاك كل القواعد و القوانين اللي عاهدت بيها نفسي ..و سبت نفسي ..سبت نفسي احبك.. و سبت نفسي  اغير سبت نفسي ليك


تخيلتك غيرهم تخيلتك فكرني غيرهم


في البدايه كل حاجه كانت رائعه.. كل كل حاجه كانت سحريه جميله ..


و فجاة الدنيا باظت مني و انا مش عارفه ليه و مش عارفه اعمل ايه ؟..


بس لقيتك مش بتحارب عشاني لاقيتك سايب كل حاجه تبوظ  و بتقولي شويه حجج مش منطقيه و انا صدقتها عشان كنت عايزة اصدق انك هتفضل معايا ..عشان صدقت انك مختلف


حاسه اني مش فاهمه حاجه
و مش عارفه فين المشكله نفس كل حاجه بتتكرر و انا مش فاهمه انا بعمل ايه غلط ف كل مره ولا هي المشكله فين
انا تعبت بجد
و المشكله انك مش حاسس ان في مشكله اصلا


علي فكرة كان ممكن تقولي قرارك ..
علي فكره كان لازم تقولي


لو كنت عايز تفهمني حاجه من اللي بتعملو ده احب اقولك اني مش فهمت حاجه


انا كنت مراعيه جدا و مكنتش عايزة اضغط عليك ولا اناقشك في كل ده قبل الامتحانات متخلص بس حسيت انك مش فارقه معاك لدرجه ..
انك مش هتهتم للدرجه لانك اصلا مش مهتم


انا مابقولكش ده عشان تهتم ولا عايزه حاجه اصلا بس فعلا مكنتش قادره اكتم في نفسي

و ماتحاولش تناقشني في الكلام ده كل حاجه واضحه جدا بقلها
فترة بس انا اللي كنت بعمل نفسي مش شايفه


بهتم بتفاصيل التفاصيل و حاجات كتير ضيقتني بس كنت بقول احنا اكبر من كده بكتير ..كنت متخيله ان دي تفاهات


3 شهور كالعاده بس عدو كانهم 3 سنين بتفاصيل كتير اوي
و واضح ان انا كنت بحبك اكتر


و مش عايزاك ترجع تكلمني بعد ماتقرا ده خلاص كده قرارك باين مش محتاج توضيح انا بس اللي كنت بكدبني


انا قبلك كنت متونسه بوحدتي و متعايشه عشان عارفه ان مافيش حد بس ان يكون في حد و انا برده اكون لوحدي دي حاجه وحشه اوي اوي جدا



في النهايه  احب اشكرك جدا جدا خالص علي عدم الاهتمام الرهيب في يوم مهم زي امبارح ... تخيلت اني لازم اكون موجوده فيه




بس كده ..

طير و اتمختر :)

ياما نفسي اركب جناحات فراشة بالوان قوس قزح ..
و اكل بلالين ..و ابلع شوية نجوم بكوباية هوا ..
و اجري ع السحاب ..و بيتي يبقي من غزل البنات ..
و اتنفس الوان .. انا بعشق الالوان ..

قبل ماتدفع الأجرة.. تأكد أن عداد التاكسى «مش ملعوب فيه» في 4 خطوات

من أهم أسباب انتشار شركات التاكسي في مصر هو قيام عدد من سائقى التاكسى الأبيض باللعب فى العدادات "البنديرة"،الأمر الذى جعل المواطن يفكر كثيراً وكثيرا عندما يدفع الأجرة المبينة فى الشاشة أمامه ويتعجب من أن مدة الطريق لاتساوى هذه الأجرة.

"اليوم الجديد " يقدم لك مجموعة من المعلومات من الممكن أن تساعدك فى عدم الوقوع فى فخ المستغلين من سائقى التاكسى:
1- فى البداية نجد دائرة بجانب السهم داخلها رقم (2)، لو وجدت أن هذا الرقم تم تغييره إلى (1) تأكد تماماً أن هذا العداد "ملعوب فيه" ، وإذا وجدته (3) تكون التعريفة فى ذلك الوقت سياحية، بمعنى إنك هتتحاسب الضعف.

2- أول رصيد يسجله العداد 3 جنيهات وبعدها يمشى كيلو كامل وبعدها يعد 140 قرشاً، بمعنى 28 قرش لكل 200 متر، بالإضافة لعدد الكيلومترات التى أستغرقها التاكسى فى المشوار يتم احتساب دقائق الانتظار التى يتم حسابها (28 قرش للدقيقة)

4- تابع الرقم (3) وسترى كام كيلو تم استهلاكه، وعلى سبيل المثال 5.7 كيلو/ ورقم 4 أحسب فيه دقائق الانتظار وعلى سبيل المثال 5 دقائق.

بذلك يكن كيلوو700 متر = 6.16 جنيه، ملحوظة : هذا بعد حذف أول كيلو لأنه محسوب من 4= 4.7  فتحة العداد
5 دقايق انتظار = 5× 28 قرش = 1.40 جنيه
يكون المجموع قى النهاية 6.16 + 1.40 = 10.56 جنيه .
لو تم معك عكس ذلك.. "اسحب السواق علي أقرب ضابط مرور

رغي مع كوباية نسكافيه

بوست شخصي للغاية

اخر مرة كنت معاه عملت حاجات مكنتش متخيله اني هعملها 

ولما هولاقني ي بسطانة بزيادة وانا بحكيله عن اللي عملته

قالي : ربنا خلق البنات كده

فيهم قوة مش موجودة في الرجالة مجتمعين..

خلقهم بحواس داخلية وغرائز

خلقهم بيمسكوا في الحياة أول ما يتولدوا مهما كانت حالتهم صعبة

طول حياتنا بنسمع عن بنات لسه مولودة قبل ميعادهم 

والدكاترة بيرجحوا موتهم بس هما بيكافحوا ويعافروا

ويبقوا كويسين ويعيشوا حياة طبيعية

مصدقتهاش..كنت ببساطة متخيلة البنات

كائنات رقيقة وهشة للغاية

بتتظاهر بالقوة لاخفاء ضعف كامن جواها

دلوقتي بس صدقتك..في 3 أيام بس غيرت رأيي..

البنات أقوياء اوي

ربنا خلقنا كده..وانتِ ربتيني على كده

في المواقف الصعبة بيبان..

في اكتر وقت المفروض نقع فيه بنقف أحسن من أي راجل

...............

تيته كانت ان ربنا بيدي البرد على أد الغطا

وانتي على طول بتقوليلي الجملة ديه

الحمد لله يارب انت مديني غطا كبير اوي

ممكن ديه تكون من أقوى التجارب اللي حطتني فيها

والحمد لله عشان خلتني آخد بالي من مشكلة كبيرة فيا..

مشكلة ظهرت مع احتياجي لناس حواليا

عشان كده بقولك بكل ثقة أنا آسفة يارب

آسفة...عشان عاملت الناس معاملتكش انت

عشان قلت (انا استحق اكتر من كده) لمخلوق بشري

انا مستحقش اكتر..

ولو استحق انت عادل هتديني حقي بالكامل  

كنت فاكراه حق مشروع ان الناس تعاملني

زي ما انا بتعامل معاهم 

تديني اللي محتاجاه من غير ما اطلبه..

تشغل ذكائها شوية

كنت فاكرة ان القريبين مني

لازم يبقوا معايا زي ما انا مبتأخرش عليهم

كده غلط...عمري ما قارنت نفسي بحد..

عشان كده أنا آسفة يارب

بس برضه تعرف ظهرلي اللي بيهتموا بجد..

واللي بيسمعوا بجد وبيفهموا صح

اللي واثقة جدا انهم مش هيخذلوني

لو صحيتهم في نص الليل أو في آخره

بسبب نوبة فزع أو حلم وحش

على اساس اني ممكن اعمل كده مثلا :)

تاريخ الفراشة الفوشيا

تقول الاسطورة :"الشرنقه اللي باللوان قوس قزح بتخرج فراشات فوشيا ..


والفراشات الفوشيا بالف روح هشه ..



مابتمتش لكن بتديل و بيبقي لونها اخضر

 و لما الفراشات الفوشيا بتدبل و بعد ماتجيب كل دراجات الاخضر


الكئيب و محدش يطبطب عليها

 فجأة بيطلع نور من قلبها و تتحول لديناصور اخضر صغير

بس السؤال هل ممكن الديناصور يرجع للشرنقه تاني ..


او يرجع فوشيا تاني ؟؟

الديناصور الاخضر الصغير قلبه لسه فوشيا وجواه فراشه صغيرة




و ان ماحدش طبطب عليه مع الوقت





هيتحول لتنين لونه زيتي و يموت منتحر ف الاخر

لان الاخضر بهت علي قلبه

أنا جيلي بالفراولة..أنا جيلي

أنا جيلي بالفراولة..أنا جيلي
نهون ده؟
اللي بيتاكل...
آآآآه لا الحقيقة مسمعش عنه
ولا انا برضه..بس بيقولوا طعمه حلو
متصدقيش كل اللي بيتقال


على فكرة انتي قوية قوية جدا
بس ده ميمنعش انك سلبية وانهزامية وخوافة
و...حيلك حيلك..
قال يعني أنتِ الفراشة البريئة
يللا من هنا
صحبتك الملائكة يا عزيزتي
فلتذهبي إلى الجحيم
إن لم يكن هذا الجحيم بعينه

عاوزة اطَلَّع الحزن من جيب الجاكتة
وتوديه فين بالظبط؟
ارميه ع الكومودينو..قبل ما ييجي زلزال يعصف بالكومودينو بالحزن اللي عليه
وبالنسبة للاباجورة؟
مش مهم نركب بدالها تكييف الدنيا بقت حر اوي
واللاب سخن..انا بفطس!!

ولأني مبعرفش أعمل آي كونتاكت مع حد لمدة ثانيتين انا قررت...
أقرأ رواية جديدة
في انتظار غودو...وافضل استنى واستنى واستني..وهوب
اشتري فستان احمر نبيذي صارخ هع

انا معنديش اي حيوانات أليفة!!
صحيح هو السمك حيوانات
لا الطماطم نوع من أنوع الفاكهة.


الشرابات بتزغزغ
والبيجامات اللي عليها نعامة
والزغزغة مبتضحكش زي زمان :(

هو أيسل بتتكتب كده؟ أ يــ ســ ل
عظيم الغروب

أنا هكبر ..هكبر السنادي لوحدي
أنا مش عاوزة أسافر :(
أنا عاوزة اعيط..المطار لأ لأ لأااااااه


النوم مش بييجي لما بنعوزه
النوم بييجي لما بيعوزنا...
حتى الانتهازية وصلت للنوم!

حلمت براجل شبه محمود درويش
وده شكله ايه ده..طويل ولا رفيع
لا واسع!


عاوزة اكتب قصة مأساوية
اكتبي قصة الفانوس اللي اتكسر
أو عن عود الكبريت اللي غرق في البحر...إلا صحيح
هو جودو جيه ف الآخر؟

توهان السنين..
انا مش مجنونة
يمكن لو كنت مجنونة كنت هلاقي تبرير
شفتي فعلاً إن...لا شيء يعجبني!!
مفيش حاجة هتساعك...غير الموت
يمكن يعجبك ساعتها!!

جوايا بيت عصافير مهجور من غير زقزقة
جوايا حد مبقاش مستني غير حاجة واحدة
جوايا حد مش موجود !!


تؤ تؤ مش عاجباني نبرة اليأس ديه
ونعيد من تاني
أنتِ جيلي فراولة...جيلي فراولة أنتِ

...

تست تست :D السلام عليكم يا اهل بلوجر  الجميل ^^
مش عارفه اهنيكم بالعيد اللي خلاص قرب ^_^ ولا برمضان اللي خلص :(( !
طيب انا هدعيلكم انهارده كتير ربنا يرزقكم باللي بتتمنوه ويسعد قلوبكم جميعا *_*
ونحب نكون من اول الناس اللي تقولكم كل سنه وانتم طيبين *_^ <3 وكل سنه وانتم صحابي♥
ودعواا رمضان <3 وانبسطوا بالعيد " متنسوش البمبم والصواريخ والقلل :D :V <3 واكل الرنجا والفسيخ <3
يلا هي دي عيديتكم :P :D متتخنقوش كلوو هياخد بالدور :D :V
هابي عيد عليكم جميعا يااحلي معجبين في مجره درب التبانه
‫#‏الفراشة_الفوشيا‬
‫#‏سفيرة‬
‫#‏امنية_احمد‬

ايه اللي يخليك تقري العك ده اصلا ..منصحكش

هم يدركون أنني تخطيت مرحلة الألم بعدة سنوات ضوئية..
تخطيت مرحلة الجروح واكتفيت بندبة مميزة لمعركة أبدية..
لست أخدع أحداً هنا..*
مخزون شوكولا يكفي سنه اكتئاب..
انا كويسه ..هه بحاول
دكتور تقدر تفسرلي ليه لما ببقي زعلانه اوي و مضايقه و كتمه في نفسي غضب و نرفزة
  ليه مخزون الزعل كله بيقلب تعب لما احاول اتجاهله ؟!
تعب جامد اوي و وجع و دغدغه في الجسم
كاني بحتضر ..الموت مش شر ..الموت مرحله

عارف حتي مبقاش ليا نفس اكل شوكولا ..حطاها قدامي
سلحي نفسك باشوكولا زي ما احلام قالت..

فاكر لما قولتلي اخر مره شوفتني يارتني ما شوفتك اديكي وحشتيني اكتر من الاول
عارف يارتني ما شوفتك اديك وجعتني اكتر من الاول !!


*عتابك ملوش لزوم العتاب عشم و انا مبقتش متعشمه فيك
عشان انا مينفعش اقنع الراجل الوحيد الللي  اتنيته من الدنيا انه يفضل معايا و هو مش عاوز و لا حابب
سبتني اتخيل اني ماليه عينك و اني ممكن اكون كفايه عندك و انك صحيح ..بتحبني *
thx 4 nothing


لازم تعرف.. انت اللي بتسستم نفسك !
انا مبخفش اروح اماكن لاول مره لوحدي
انا بس مبحبش ابقي لوحدي
يمكن عشان كده بقيت لزقه في ماما جدا..و بابا ساعات
بخرج معاهم و قاعده معاهم و برغي معاهم كتير
لدرجه انهم حسو اني مش طبيعيه
و انا من امتي بقعد في البيت كل ده
دول كانوا بيقعدوني في البيت بالعافيه
عارف بقيت حسه ان بابا و ماما يعني الامان
يعني محدش يقدر يؤذيني و لا يكسر قلبي
كاني بصغر مش بكبر
وفجاة لقتني بقيت البنت المطيعه و المفضله !

بحاول انفذ خطتي الكبيرة اووي اللي نصها هيفشل
حجزت كورس ديكور و جرافكس و نفسي احضر الفاشون كمان
اشتركت في كلاس جودو و بعدين اكتشفت انه دفاع عن النفس
المهم انها رحت و طلعت طاقة مكبوته في الضرب و الجري
و بعيدا عن ان الكابتن قالي روحي العبي باليه احسن
قولتله ما انا كنت بلعب زمان قالي ما هو واضح
كل ما ابتدي افيص يقولي تخيلي اللي قدامك شفيق او المجلس العسكري اضربي اجمد
مع انه فلول و انتخب شفيق

اليوجا ..نفسي ترجع تاني حاجه مقدسه عندي زي زمان
مش لاقيه حاجه اقرائها جديده
عماله اعيد في اخر كتابين قراتهم اخلصهم و اعدهم هم الاتنين
بحب اقرا كذا كتاب في نفس الوقت

رجعت اتفرج علي لوست تاني عشان انا مش ممله
بس عارف لما بحب حاجه بحبها اوي
بافوره ..انا اصلا اوفر
بحب الحاجات بافوره و لما بكره حاجه بكرها برده بافوره
انا شخص مبالغ فيه من غير سبب
و دي مش حاجه حلوه
عشان مينفعش الدنيا تمشي يا اسود يا فوشيا بس ..!
انا كنت فكره اني مش كويسه
بس لما فعلا بقيت  مش كويسه
عرفت اني كنت كويسه مش اوي يعني بس احسن من دلوقتي!
بس انا وصلت لمرحله اني مبطلبش مساعده حد
مبطلبش حد افضفضله
مبفضفضش اصلا
يمكن هنا ساعات
لما بحب اتكلم بدخل اوضتي و اطفي النور و اقعد
علي الشباك  زي زمان اتكلم معايا
بس مبقعدش كتير عشان النموس مبقاش زي زمان
انا مش مجنونه ..انا بس زعلانه
و لما بحب حد اووي ببقي عشوائيه و بتصرف بجنان
ببقي خايف و الخوف بيغيرني
مببقاش علي طبيعتي ..
انا كنت خايفه ..اوي
كنت خايفه اسيب نفسي اتجرح
و اديني وقعت من غير ماسيب نفسي..!
بحاول اشغل وقتي عشان مفكرش
عشان مسألش اسئله كتير توجع معرفلهاش اجابه
عارف انا وفقت اشوفك عشان كان عندي كلام كتير اوي اقوله
و اسئله عايزلها اجابات ليها
ورحت و رجعت ..مكسوره اكتر من الاول ..من غير مسأل ولا سؤالكان كل همي انك بس تغلط و اسمعك بتقول حبيبتي !

*-اللي حصل حصل و متقدرش تغيره
-صح
-غلط
-لما الدنيا تديك ضهراها ادي ضهرك للدنيا*
لما مبسؤلش عليك بتفتكرني و لما اتكلم معاك شويه مش بترد عليا
عارف ..الاستغناء هو الحل
انا برود نفسي ..ده التعبير الصحيح
كفايه كده ..عشان انا ابتديت اقول حاجات انا مش عايزة اقولها
بس بقولها عشان استريح ..بس الفضفضه الكتير غالبا بتتقلب بنكد
انا مابقتش كئيبه
انا بس بقيت بستسلم للكائبه بسرعه
عاااا انا بقيت مجنونه ..!


1-* روح قلب ماما
2-* تيمون و بومبا
البوست ده انا اترددت اوي اني انزله معرفش ليه
و عشان معرفش ليه عندا فيا نزلته :)

محاوله للبدأ

كان لازم اخد خط ..اخد نقطه و ابدأ ف سطر جديد


او اقولك ياريت ف صفحه جديده ..تاعبت من


كتر الشخبطه و تقطيع الورق ..انا مش بس عايزه


ابدأ صفحه جديده لا انا عايزه ابدأ كشكول

جديد باقلام تانيه بصفح تانيه غير الي دابت من


كتر ما شالت جواها بلاوي..هابدأ و انا عرفه ان


مصيره هيكون زي كل الي فاته






ولا حياة مع الياس

حارب عشاني

كنت متخيله زمان ان لما حد يحبك اووي
هيحارب نفسه
والدنيا
 والكون
وقوي الطبيعه
والناس دي كلها

عشان بس يكون معاك..

كنت متخيله ان لما حد يحبك اووي
مش هيستحمل يشوفك زعلان
ومقهور
وهيحاول يخفف عنك !

كنت متخيله ان لما حد يحبك اووي
مش هيخليك تغيب عن عينه
و انا بس كان نفسي اوحشك !

كنت متخيله ان لما حد يحبك اووي
مش هيحاول ينساك
مش هيحب حد عشان ينساك

كنت متخيله ان لما حد يحبك اووي
هيتكلم عنك كويس حتي لو مش مع بعض !

كنت متخيله ان لما حد يحبك اووي
هينتهز كل الفرص المنمنمه عشان يشبع منك



بس اكتشفت ان لا اصلا مش شرط يعني!

كتم الغنا يموت

يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!
=========================
يمكن انا عملت البلوج ده علشان ما اموتش من كتم ما بداخلى .........قول الشكوى و الحكايه حتى و لو فى فراغ النت نوع من الفضفضه المطلوبة ......حأقول و اقول علشان ما اطقش بدرى بدرى

واكبر غلطه ممكن تعملها في حياتك انك تستني حد مطلبش منك تستناه ..
بس انت بتستناه و بتغلط اكبر غلطه في حياتك للمره الديشليون..
ودعوتي وسط الصلي :"يارب ..يارب خليني احب الناس قد ما بيحبوني ..يارب ولا زياده ولا اقل ...
يارب خليني اشوف الناس صح زي ما هما ..يارب خلي الناس تشوفني صح من جوا
يارب جبر الخواطر عليك اجبرلي خاطري ..ممكن ؟"

الكام شهر اللي فاتوا انا اتعلمت حاجات كتير

1 -عرفت إزاي بتكون السعادة  لما تساعد حد ويفضل يدعيلك, لما تدي الوردة اللي كنت جيبها لنفسك لست عجوزة محتاجة وتبتسم لها اكبر ابتسامة ,لما تلقي بنت صغيرة في المترو وتسألها اسمها ايه ولما تعرف انه نفسها في عصير فتقولها طيب استني هطلع اعدي الشارع واجبلك عصير وهاجي استنيني وتطلع جري وتروح تجبلها العصير وترجع تديهولها.
2 -عرفت إزاي  ممكن تلعب في ماية  أني طول الوقت بعمل كده بس دايما بكون لوحدي مش بيبقي معايا صحابي ولا بتكون الماية برمل وطين وعرفت قد ايه انك تقعد بجزمة وشارب ممبلولين حاجة مقرفة وان القعاد من غير جزمة حاجة مريحة.
3 -عرفت إزاي حاجات صغيرة كتير ممكن تخليك من السعادة تطير.
4-عرفت إزاي اختار ألوان الدهان معاهم اصل احنا دهنا مدخل بتنا.
5 -عرفت إزاي تقدر تمشي في الشارع وتضحك بصوت عالي طول الطريق من قلبك ومن غير سبب.
6-عرفت إزاي تهرب من الالواقع وتستخبا منه و إزاي ممكن تزوغ من قصص كمان وعرفت إزاي ممكن ادخل اي قهوة  اقولهم "ممكن اقعد  عندكم شوية".
7- عرفت قد إيه الصحاب دول حاجات حلوة.
8-عرفت إزاي ممكن تعدي شارع الهرم جري وانت مسخسخ من الضحك وبتحاول تفضل عيونك مغمضة .
9-عرفت إزاي ممكن حاجات تبسطك علشان انت عاوز تبسط ونفس الحاجات تدايقك علشان انت عاوز تدايق.
-10 عرفت إزاي ممكن تكتئب مع ان كل حاجه حوليك حلوة وعرفت إزاي بيكون انفجار الكلمات جواك لدرجة تبقي مش ملاحق تكتب ايه ولا ايه.
11 -عرفت إزاي ممكن اطلع السلالم تاني بالمشقلب  وإزاي ممكن عيون الناس تقولك انك اكيد اتجننت .
12 -عرفت إزاي ممكن نفس الاغنية لام كلثوم يخليك  مرة تضحك ومرة تعيط.
13 -عرفت قد إيه كانت فكرة مش حلوة لما قررت اكتب مين اللي انا متاكدة انه هيعيط عليا لما اموت بعد الشر عني.
14 -عرفت إزاي ممكن تدخل الامتحان وأنت مش عارف حاجة ف اي حاجة.
15 -عرفت قد ايه حاجة حلوة انك تقول لحد ايه أنت بتحبه وقد ايه حاجة احلي لما تحققله احلامه وبعدان تلقي علي وشه اكبر ابتسامة لدرجة انك ممكن تشوف طقم سنانه كله.
16-عرفت إزاي ممكن اطلع المسمار بالكماشة مش بالمفك.
17-عرفت إزاي ممكن اقنع نفسي اني عندي قوة خارقة وإني بسمع افكار الناس.
18 -عرفت إزاي ارجع اتخيل تاني بعد ما بقتش اعرف وازاي اقدر اتحكم في احلامي.
19- عرفت إزاي ممكن يكون حد بيحبك و أنت بتحبه وهو مش بيسأل عليك ومع ذلك أنت بتدعيله كل يوم قبل ما تنام.

الفطار مع الاصحاب

بكره جدا الزيارات المفاجئة لابد ان يستاذن الزائر قبل الزيارة جيت من عزومة اسراء استمتعت جدا معاهم اول فطار معاهم في رمضان :
اسراء رئيسة العصابة بالاكاديمية وحسام مدبر الخطط المهنية ضحكت جامد لماعرفت ان اسراء قطعت البصل بقشره يمكن ناتج عن ضغط عليها بسة تمادت في زلة اسراء احزنتني
نور ومفاجئتها للكيان فرحتني من جيتها بعد مرورها بحالة من الاضمحلال تسودها
وفاء الطفله اللي كانت زعلانه معرفش ليه يمكن عشان بعدها عن زميلها مع تكشيرة احمد اللي استغربتلها مش عادته يكون كده خالص مش احمد ده الفتي اللي اتمنيتهاول ماشفته  _____ يكون اخويابالاخص .
دخلت عبده وصدمته انه هيحاسبني جامد علي كلامي معاه بس قلبه طيب جدا سيراميك رويل ههههههههه
اني جي لبونبونايت الكيان هاله تلاجه انتي كنتي جميله جدا شفت فيكي انهارده جمال امومه وتحمل المسئوليه ايوة فعلا احيكي زعلت لماشفتيني وانامحضنتكيش كنت هعيط
بسمة وكنافة وقطايف كنتي روعة مع ان تعب مش باين عليكي بحببك ياكاتي.
المستشار (المافيا) شخص مش عارفه احدد هويته جدا فرحت لما قال لامتثال مساعدته ان امنية ديه هتكون اكبر صحفيه
الهدنة انهارده ولد المترو والبنوتة بتاعت الشعر الاحمر

غلُبت أصالح في روحي

 البوست ده مكتوب لأغراض شخصية بحتة متعلقة باحتياجي للكلام والحفاظ على جزء خاص مني قبل ما أتوه أكتر في الشُغل..
محدش مطالب يقراه ،ومش هيضيف أي حاجة في حياة حد، وشكرًا :)


بحق المراسيل والحروف اللي موتناها عشان متوصلش..
بحق الغضب والخوف ويُتم القلوب والوجع اللي مش بيسكِّته البنادول..
بحق الوحدة ، والمرات اللي منعنا فيها نفسنا عن اللي بنحبهم عشان ميوجعوناش ولا نوجعهم..

بحق العيون المرهقة كل يوم الصبح من العياط ، الأرق والنوم الكتير، ونوبات الفزع ف وسط الخلق..
بحق الغلطات اللي ارتكبناها واللي مرتكبناهاش
بحق الأيام اللي قضيناها ساندين ضهرنا بنعد بلاطات الأرضية بعد ما خسرنا كل حاجة إلّا إيماننا..
بحق المرات اللي خسرنا إيماننا ومنتحرناش..

يارب.. عوضنا

في وقتٍ ما يبدو بعيد اوي دلوقتي.. كانت الأمور أصعب بس كنت أقوى
كنت بقرب مني وبعرف أملاني كفايا، بعمل حاجات كان نفسي فيها بانطلاق وجنان.. أو جايز وقتها البلاك هول مكانتش محسوسة بقوة.. جايز كنت عملية أكتر وواقعية أكتر وبحلم أقل.
“إنني أكبر ، وتكبر معي أشياء كثيرة أولها : الألم . كلما كبرت صار الألم أكبر ، وأبطأ رحيلاً !

* ملحوظات خارجية من باب الـ هيييييح والرغي

صحابي وحشوني ببشاعة / عندي اعداد يارب يطلع حلو/ الحياة هادية وأنا ممتنة لذلك بشدة/ عاوزة أشوفريم وأقعد معاها/ محتاجة كتاب مبهر مبحبش الكتب النص نص/مبحبش مواقع التواصل الاجتماعي/ قايمة البلوجز راحت معرفش ازاي وده باعث على البكاء دلوقتي/ أنا بقيت بكره بالليل عشان مبعرفش أنام/هبدأ في الكتاب بشكل جِدي وهروح لبسمة ورؤئه لما احتاج زقة ;) /هرجع الروابط القديمة مع العلاقات الجديدة/ هحكي حواديت للناس/ هحاول أبطل رغي وزن في ودان ميم قبل ما يسيب البلد/ هشتري فستان عشان كتب كتاب خالو/ هقص شعري عند هدي / هحاول أخد موقف أقل حدة مع االسائقين.

الناس مش شايفين اللي انا شايفاه

بيبَان جدًا.. آخر مرة حد بتحبه اوي هيكسر فيك حتة وأنت طول الفترة اللي فاتت بتقاوم الاعتراف بده؛ بتمسك ليه؟
عشان عاوزتحاول لآخر نفس؟
عشان مش فاهم عملت ايه غلط؟
 عشان مش مستوعب إن الناس بتتغير؟
وقتها بتعمل زي البيانيست اللي خرج بره النوتة ومستني المزيكا والأوركسترا تظبُط معاه في ثانية. بس مبتظبطش، عمرها.

أنا زعلانة يارب. وغرقانة خذلان من فوقي لتحتي. وبسأل نفسي كل يوم ازاي الناس مش شايفين اللي انا شايفاه. ازاي مش شايفين البشاعة اللي وصلنالها. حتى أنا بقيت مؤذية!
الوضع شكله مش مؤقت وشكلنا اتعودنا ع التجاهل والجفا والتعامل من ورا الشاشات وآمنا إن الحب محض رفاهية، والرفاهية محتاجة حاجة تتدفع في مقابلها، ومحدش عاوز يضحي بأي حاجة!
كان المفروض نكبر منعجزش، مفروض نسافر ونشوف الجمال ونتنفس ونواجه العالم بطريقتنا، مفروض منسمحش لأي حد يقول لنا إننا مش مميزين ويكسر قلبنا من غير ما يحس للحظة إن كلامه كله شوك وشوكه كمان مسموم. مفروض منحسش إن الحلم رفاهية.ومفروض اللي بنحبهم بجد يفضلوا. واللي بيحبونا ومبنبادلهمش الحب يسمحولنا ناخد بإيديهم الاتنين ونغمض عيننا سوا ونرجع بالزمن للحظة اللي قبل ما يحبونا، ويغيروا اتجاههم.
مفروض الكون يبقى أكثر منطقية ودفا من إننا نلقط لحظة بالعافية منه كل كام يوم، وندَّعي ببراعة إنها بتصبرنا ع الهمّ اللي بنشوفه. مفروض الشارع ميبقاش بشع ومليان اشباه حيوانات راكبين عربيات أو على رجليهم زي النهارده وزي كل يوم.
مفروض اكون قاعدة دلوقتي بعمل توفلي الشوكولاته، مش بقرا عن المآسي والرسايل المؤذية اللي بوظت يومين ع الأقل من الإجازة وبعدها أعيط وأكتب عشان مش هعرف أحكي لحد ولا أفسر الوجع من غير ما انهار ادامهم.
مفروض يارب أعرف أبقى موجودة مع اللي بيحبوني وموجودين علشاني بالطريقة اللي تضمنلهم إن الاكتئاب مش هيبعدني عنهم...مفروض القصص اللي كانت بتتحكيلنا واحنا صغيرين متتشوهش لما نكبر واللي يشوهها هما هما نفسهم اللي علموهالنا. مفروض أمي تبطل تعيط أدامي وأخويا يسأل عليا وأبويا يبطل يتعامل مع القنابل في شغله في المعادي كل يوم والتاني.
مفروض نبطل نتعايش مع القرف ده.. يارب أنا حزينة عشان بقاوم...أنا وكل اللي حاسين بالغلط بيقاوموا...وبيقعدوا نص الليل يكتبوا ويعيطوا وخلاص! خلصت..

وازاي يارب العالم هيسمع للي أصواتهم مبتوصلش لسواق الميكروباص وهما قاعدين حتى في الكنبة اللي ف النص!

انا خايفة...حقيقي انا مش عارفة اتكلم

فى عشق الورد =)

الورد ده من أجمل الحاجات فى الحياة ، حاجة كده رائعة و جميلة و ممكن يقول أى حاجة احنا مش عارفين نقولها ، سبحان الله فعلا ..ربنا حاطط فى الورد ده قدرة على الوصف و الكلام غريبة ، لو حد زعلان منك و عايز تصالحه هاتله ورد بس و متتكلمش حتى بعدها =) هو هيقوم بالواجب و كمان لما حد بيبقى عيان بيجيبوله ورد ...عبقرى اللى اخترع الفكرة دى لأن فعلا الورد بيدى شحنة جمال للبنى أدم بمجرد انه يشوفه =) 

اجمل فترات حياتي

العقل وحده .. يكفى !!

"فيكِ كل ما أرغب من عشرة هادئة وشخصية متزنة ورصينة ..وعطف كعطف الأمهات لكن الحب شئ أخر بكل أسف .. وهو دائما لهيب متأجج بالسعادة أو العذاب وحتى عذابه يجعل للحياة مذاقا مختلفا عن طعم الركود لهذا فهو عدو الاعتدال"

بما أنى قرأت كتاب أفتح قلبك لعبد الوهاب مطاوع
أستوقفتنى الفقرة دى جدا
هو فعلا ممكن تحصلنا حاجة كده
ممكن نرتبط بشخص فيه كل الصفات الكويسة وكل ده ميدفعش الحب جوانا ناحيته !
هو صح الكلام الى بيتقال ان العِشرة حاجة والحب حاجة تانية !
يعنى أنا مثلا ممكن لو اتقدملى حد اقبله واتجوزه بقرار من عقلى
وهل فعلا ممكن حتى مع الايام قلبى ميتحركش جوايا اصلا وأكمل لمجرد انى أصون العشرة  والمعاملة الطيبة؟
انا مش قادرة أتخيل ده فيوم من الأيام بصراحة

"فإن أقل البيوت الذى يبنى على الحب"

عبدالوهاب مطاوع شكله قاصد ينكد عليا ويخلينى أشك فحاجات.
ده من نفس الكتاب نقلا عن قول سيدنا عمر بن الخطاب
طيب أيه يعنى ! خلاص مفيش أمل كده !
أنا مش عايزة أعيش حياة عقلى هو الى يخترها
أنا عايزة أنا كـ(امنيةا) الى أسيطر بعقلى وقلبى وكل حاجة اصلا
كنت دايما بقول أن فالجواز فى حاجات كتير قوى مهمة عن الحب
ومش هو الاساس الى بيتبنى عليه الباقى
بس برده كنت بقول ان بعد حاجات كتيرلازم الحب يبقى هو نهاية الطريق
الى هنوصله بعد كل الحاجات دى
انا مش مهم طريقى يبقى أوله حب .. أنا أهم حاجة عندى إن يبقى اخره حب
يا ربنا لو سمحت اكتبلى الخير ليا وزينهولى بالحب
بس ده ميمنعش برضه أن لو جالى الحب الأول أكيد هفكر

الحب

الحب هو كل حاجه وعكسها ممكن يجلب الفرحه وممكن يجلب الحزن و ممكن يقربنا من ربنا اكتر و وممكن لو اتبعنا شهواتنا يبعدنا عنه وليعوذ بالله , ممكن يخلينا نثق في الناس اووووووي وممكن بردو يخلينا نفقد الثقه في الناس كلها
, ممكن يسعدنا ويخلينا نطير من الفرحه اوووي وممكن يوجع قلبنا ويعيشنا اتعس ايام حياتنا
الحب اخلاص ووفاء , تضحيه وعطاء , صدق وامانه , عتاب وصراحه , عشوائيه وتلقائيه وبساطه مش تعقيد , خوفنا من ربنا ومراعتنا لضمايرنا ولاهلنا ونفسنا قبل الناس :)) , الحب هو ان امي تتعب وتفضل واقفه في المطبخ بالساعات علشان تطبخلي اكله وتطلب رايي وكل همها اني اقولها حلوه علشان تفرح ^^ , الحب هو ابويا اللي مش بنشوف غير ساعات قليله لانه تعبان في الشغل علشان نعيش كويس :)) , الحب خوف اخويا عليا من اصحابه ونظرات الناس خوفه علي سمعتي ^^ , الحب هو ضحكي انا وصحابي في الخروج , الحب هو اني ادعيلك وادعيلها في صلاتي لربنا <3
الحب اجمل شعور ومفيش حد يقدر يعيش من غير الشعور ده مش لازم الحب يكون مقتصر علي شاب وبنت ! الحب بيتجسد في كل تفاصيل حياتنا ^^
للاسف مهمها اتكلمت مش هوفي معناه

الشغل

كل واحد بيحقق اللى هو عاوزه من غير ما يسمع للـ بيحبطو
كل واحد يطلع يشتغل فى مجاله .. مش شهاداتنا قاعدة عـ القهاوى !َ
كل واحد يعرف ان همه و حزنه بيعدوا .. مافيس حال بيدوم
منسمعش لاى كلام يزعلنا .. ننسى كل حاجة بتضايقنا .. و نبتسم لانفسنا رغم كل شئ !
ندع الخلق للخالق :
نستحمل بعض شوية
و مثل ذلك بقى

جرافيتي احمد فتحي

- " Someone " ✋

^__^
...
#سفيرة

‫#‏هل_امنية_مجنونة‬

‫#‏حوار_مع_احدي_الزملاء‬
مقدرش اخد اسكرين شوت
اناحاسس اني مش فاهمك..ملكيش شخصية واحدة اوقات تبقي لذيذه
وبتضحكي وتهزري وبشوف الحياة في عنيكي واوقات تانيه تقفلي وتهربي بيروح من عينك النورليه متبقيش البنت اللذيذه علي طول؟
_عشان اناكده ميش شخصية واحدة انا ناس كتير محبوسين سوا واوقات بيحاربوا بعض ولوقولتلهم دلوقتي انك بتحب واحدة فيهم هيحبسوها وهيقتلوها
هههههههههههههههههههههههههههه
اناتايه محسساني اني متعلق بين الجنة والنار
_انانفسي متعلقة بالجنة والنار
طب ايه الجنة بالنسبالك؟
الجنة بعيد عني اوي
طب هي ايه يمكن اقدر؟
اسفه ياصديقي مشهقدر اشرحلك فيه كلام كده بيبقي في دماغي مقدرش افسره وكانه موجود في دماغي بشفرة انابس اللي بفهمه يمكن لوبقيت شبهي في يوم هتفهمها
امنية انتي مجنونة تحتاجي مستشفي مجانين
لماذا ياصديققي
لانك من كوكب اخر

عشقي لقلمي وورقتي كعشق عنتر لعبلة

موني

لا تُدخن ولا تشرب القهوة ولكنها حتمًا تستمع لحليم، لا تضع نفسها بقالب غيرها أبدًا، تُتابع الأحبار المحلية والعالمية وأحيانًا تقرأ بشراهة وأحيان أخرى لا تشتهي سوى الاستماع لبضع أغنيات مختلفة يُمكنها أن تُتابع كرة قدم أو كرة سلة أو أي من أنواع الكُرات التي يتلهف العالم عليها. هي خليط مختلف

‫#‏السم‬

بقلم/امنية احمد

قالت له أنها لا تريد أن تقع في حبه فهو لا يستطيع أن يتزوجها الآن وهي لن تتحمل الدخول في علاقة طويلة .. فطمأنها "سنظل أصدقاء ليس أكثر".
كل شيء كان يتجه في إتجاه الحب ولكنه كان يدعي إنها الصداقة "ليس أكثر" .. مكالماته الكثيرة ليطمأن عليها، رغبته في أن يسمحع منه كل شيء عن حياتها، أن يعلم كيف تقضي يومها ويحكي لها كيف يقضي هو يومه.
كانت تحاول أن تُكذب هذا الإحساس بأن هناك فعلاً شيء أكثر ولكن ما إن يظهر هذا الإحساس حتى يقوم هو بما يجعل هذا الإحساس يذهب سريعاً، تحاول أن تطمئن عليه فلا تستطيع أن تصل إليه، تجد منه معاملة باردة بعيدة حتى عن الصداقة المفروضة.
حاولت هي إبعاد إحساسها عن القلب والحب وما كف هو عن محاولة إستدراجها بالتصرفات المتعاكسة.
حاولت أن تُغلب العقل على القلب ولكنه لم يساعدها ..
"ماذا فيها إن احتضنتك، ألا تشتاقي لي؟"
ارتبكت داخلها وتماسكت أمامه، "ما نوع هذه الصداقة" سألت نفسها، وعندما سألته فقال إنها مجرد أحاسيس تأتيه ويُحب أن لا يبعدها لأنه يستلذ بها فهي تُقربه منها.
لكن ماذا عن الصداقة .. سألت
فقال لها "ماذا عنها؟ نحن مازلنا أصدقاء .. أنتِ تعلمين أني لن أستطيع الزواج" هزت برأسها نعم .. فأخذها بين ذراعيه كي يُعبر عن احساسه بها.
أيام وشهور وهو يُربكها .. صداقة فقبلة .. صداقة فحضن .. صداقة فاحتواء
وعندما تبحث هي عنه لا تجده.
إحساسها غلبها .. ما كانت لتقدر أن تغلبه أكثر من ذلك ولكن فقط عندما اجتاحها هذا الإحساس حتى إتخذت قرار بالبُعد عنه.
حاول أن يُرجعها عن قرارها بالتعبير مجدداً عن "إحساسه" ولكن لم تترك له فرصة فغضب كيف لها أن ترفضه هي إذاً كانت تتلاعب بإحساسه وتكلم وتكلم واتهمها وهي وقفت صامتة لتسمع كل ما يحاول به أن يُرضي ضميره فاصور لنفسه أنه هو الضحية في هذه الصداقة ذات الأحاسيس ابتسمت بهدوء عندما انتهى ولم تقل له أي شيء انتظر منها رد على اتهاماته .. انتظر غضب .. انتظر أي شيء لتكمل المشهد في خياله ولكنها لم تمنحه هذه الفرصة تركته وذهبت.
وقف مكانه يراقبها وهي تمضي لم يدري أيلحق بها أم يتركها .. هي كانت فعلاً تملئ حياته .. لماذا تذكر هذا فقط الآن !
تركها ذهبت ولكنه لم يتركها في سلام.
حاول التحدث معها .. اتصل بها وبعث لها برسائل لم ترد على أياً منها.
كانت تحاول جمع شتاتها في هدوء وسلام بعيداً عن تلاعبه بها.
عندما وجدت قوتها وعلمت أنها لن تسمح أبداً بضعفها أمامه ثانيةٍ أبداً .. اتصلت به.
سألت في هدوء عن أحواله، عن حياته وعمله. استغرب هدوئها حاول أن يميز أهو من انكسار أم من قوة. فسألها عن أخر يوم لهما معاً فابتسمت وقالت له إنها تركته يقول ما يريد ليُريح ضميره ولكنها تعلم أنه يعلم جيداً من أخطأ في حق مَنْ انهزم فقط في هذه اللحظة حاول أن يسترد قوته أمامها فقال لها أنه تقدم لخطبة احداهن فباركت له خطوته بكل هدوء فحاول أن يُعيد ثانية ما قال لها في أخر مرة أنها لا يُهمها أمره حقاً فأوقفته هذه المرة عن الكلام وقالت له لا تحاول أبداً أن تُقلب الحقائق سأنهي المكالمة الآن ولن تسمع صوتي ثانيةٍ ولكن كي تعلم جيداً لن أسمح لك أبداً أن تعود لحياتي بأي شكل من الأشكال لم يعد لك أي مكان بها ولتقل لنفسك ما تشاء لكننا نحن الإثنان نعلم جيداً ما حدث فنحن الإثنان كنا متواجدين والآن أترغب في قول شيء أخير؟ سألت فذُهل وصمت ..
قالت له وداعاً إذن ولتكن حياتك سعيدة بضميرٌ نائم .. وأغلقت الهاتف.
إعتقدت أنها ستبكي أو تضعف أو شيء ولكنها فقط أحست بالراحة .. الآن وجدت قوتها مجدداً .. الآن قد تخلصت من سمومه بحياتها.

ازاي كل مرة بلاقي نفسي هنا ؟

ليه كل مرة بلقي نفسي هنا ، ادام نفس العينين نفس العينين اللي كل مببصلهم بيوجعوا قلبي ويسري الالم في الجسد ميوقفوش حاجة ، وتبقي المشكلة اني بعند وافضل باصة واقول مش حاسة بالم الالم اللي اتالمته وانا بستني الالم كان اكتر بكتير عشان كدة الالم اللي بحسه كل مببص في العينين دول مبيبقاش الم
ليه بتبقا كل مرة مصمم تبصلي وتقول انا عارف انك عارفة بتبصلي بعينك اوي اللي مبقتش اخاف منها وتقولي في تحدي هتقدري تعملي ايه ؟
تحبي نلعب عالمكشوف ؟
 في الوقت ده بس بخبي عيني واقلك انا مش عارفة وهفضل كدة مش عارفة
لا مش بهرب انا بس مبحبش احرق عالفاضي زيك تمام خلينا في طريقين متوازيين متعاكسين زي محنا دلوقتي ويوم متحب تغير طريقك و تقطع عليا طريقي تبقي هي دي نقطة الالتقاء ونقطة الصراع في وقت واحد بس لحد متفكر تعمل ده خليك كدة خارج نطاق اهتماماتي ، معنديش وقت ادخل حرب معاك وانتصر عشان تعرف ان انا الاقوي ، ياااه انا نسيت ان احنا اتقابلنا عابرا ومش هنتقابل تاني ، انا مش هشوفك انت تاني بس هرجع اشوف نفس العينين دي تاني
هي هياها نفس العينين العينين اللي لما بتبصلهم بيسري الالم في الجسد ميوقفوش حاجة ، العينين اللي بتبصلك من خلال اشخاص مختلفة وكل شخص بيحاول كل مرة يوصلك انه عارف انك عارف وانت بتحاول توصله انك مش عارف و ..

صورة تشبهنا

سس وحاسس بيا

في ايدي موبيلي ورغم اني مركزه علي الشاشه اوي- لاني بجد قررت ان انت لازم هتحس بيا وهتكلمني- و انا مستنياك كنت كل شويه بسمع صوت فيروز بتقول"شايف البحر شو كبير كبر البحر بحبك...."و دي الي هي رنتك كنت بسمعها و احس بالفيبريشن في ايدي بالرغم من ان الموبيل في منتها السكون, اعت استناك كتير تتصل كتير اوي لغاية مابجد ياست و عرفت اني خسرت رهاني مع نفسي عيط و زعلت منك......
عشان انت موفتش بوعدك ليا لما قلتلي"انا هفضل احس بيكي حتي لو كنتي فين.."
رميت الموبيل بنرفزه , و قمت وقفت في ركن الاوضه اعيط و اخبط راسي في الحيط واقول بصوت مبحوح انا محتجاك.....
سمعت صوت صفيرك الي خلاني اتسمر في مكاني -لا مستحيل- جريت فتحت الفون بخوف لتكون مش انت وانا بتشحتف من العياط لقيتك انت و اول حاجه قلتهالي"انتي عارفة انى تعبان وماسالتيش"
زعلت من نفسي اوي, فقررت نفسي انها ترميني.

احنا لسه صغيرين.. ايه اللي شيلنا الحب/الهم بدري كده؟

التمشية لاخر العالم من غير سبب مقنع, من غير وجهه معينة, لوحدي في محاولة للتصالح مع/علي الاشياء الاشخاص نفسي والعالم ..
هه اما نشوف اخرتها.

هنبقي كويسين

هنعمل خطه ماتخرش الماية
وهنبقي كويسين
لا مش هنتخطي الموقف
عمرنا ماعرفنا نتخطي اي حاجه في حياتنا
احنا بس بنعرف نتعامل معاها
فنعرف نسستامن نفسنا علي اللي حاصل واللي بيحصل واللي للاسف هيحصل
هنبقي نمثل اننا كويسين فهنبقي كويسين وكده
بس مش انهارده ولا بكره..
هناخد وقتنا
عمرنا ابدا ماهنلتئم..ولا عمرنا التئمنا
بس دلوقتي انهارده مش لازم نمثل ان كل حاجه كويسه
لا مش لازم
مش لازم خالص..
الجرح اللي مايموتش يعلم (بالمعنيين)..معروفه
وانا بقي كلي نذوب ..

Amélie.. :)

كانت وستظل مركز البهجة ف الأفلام الفرنساوي بالنسبالي... الأفلام اللي بتخلي الحياة ألطف.

البنت اللى لما بتركب اى مواصلات بتتمنى ان الطريق ميخلصش وتفضل العربية ماشيه بيها لمكان متوصلوش

هى بردو اللى مبقيتش تحب تشغل اغانى منير بس لما تسمعه فى اى مكان بيكون نفسها ميبطلش غنا ابدا

وهى بردو اللى بتحب لما تقعد مع حد صاحبها اوى تسكت وتسرح بعيد يمكن احساس دفا بوجودهم

وهى بردو اللى لما بيكون حد صاحبها متدايق مبتعرفش تساعده خالص ولما بتحاول بتعك الدنيا اكتر

وهى اللى اول مبتعرف حد اوى او تلاقى نفسها بتقرب بتخاف وبترجع تبعد تانى

 هى كمان اللى لما بتلاقى حد بيبعد عنها بتتأكد انه بيبعد فعلا وبتحاول تبيع

هى اللى شكلها بيدى على هدوء بشع وسكوت هو صح السكوت بس من بره بس

البنت اللى مبتقبلش اى نصايح او نقد من اى حد هى اللى بتنقد نفسها دايما ودايما مخاصماها

البنت اللى مبتديش ثقتها لحد بسهوله ولما بتديها بتكون مش كاملة هى اللى من السهل تتوه اوى بسبب ده

 هى نفسها البنت اللى بقى ميبانش عليها حاجة خالص سواء فرحانة او متدايقة او هى بيتهيألها انه مبيبانش يعنى

هى اللى بقت كل مدايرة الناس حواليها تقل متدخلش حد جديد لكن بتشترى كتاب جديد تقراه كذا مرة وهى اللى بطلت تسجل تواريخ اى حاجة فى دماغها او تواريخ شرا كتبها   التواريخ حاجات كده وظيفتها تفكرها بكل خذلان عدى عليها

هى اللى بقت تعيط على مواقف غريبة جدا بعد مكانت متحبش تعيط ابداا

هى اللى بقت تخاف من كل الناس

هى اللى نفسها تجرب السكاى دايفنج جداا

 هى بردو اللى لما تكون فى المواصلات تفتح الشباك اللى جنبها على اخرة وتغمض وتتخيل نفسها فى الملاهى لا وكمان بتصدق

هى دى البنت اللى لما قررت تكفر بكل حاجة فى الحياة خافت من كفره

وكل يوم تفتح نوت او تمسك ورقة وقلم ومتكتبش حرف خايف بياض الصفحة يروح ويتلوث باللى فى دماغك وكأنة خوف من الكتابة ومع ان فى رغبة فى الكتابة اساسا
طيب عاوز تكتب وليه مبتكتبش كلام وحاجات كتير ملهاش علاقة ببعض
ورجعت تانى تتكلم عن نفسك وكأنك حد تانى
هو الشريط بيعيد نفسة من البداية ولا ايه وليه تسمح بكده وهو اصلا بايدك فى الفترة دى انك تسمح او متسمحش
ومع ان الشريط كل ميعيد نفسة خرزة من عقد الروح تنفك وتضيع
طيب انت فاضى
لا مش فاضى
اوكى عارف بس كنت بتأكد
ممممممم
طيب مفيش امل تبقى فاضى أصل محتاج اتكلم محتاج حد يسمع او مش حد محتاجك انت تسمع بس خلاص انت مش فاضى

طبعا النهارده كان يوم قاتل عشان الفطار
بس الحمدلله فطيرت ولعبت بالياردو اهوه اخرج من المود
وبكرة عندي درس الساعة 3.. هيبقى الدنيا شمس
حسيت النهارده وانا راجعة للبيت ف نفس التوقيت بتوجس خفيف
شكلي بكرة هطلب من  مم يجي يوصلني بالعربية
..من امتى وانا بخاف من الشمس؟ ولا بخاف من الشوارع الواسعة اللي مفيهاش غير عربيات؟
مش عارفة حقيقي بحاول اقرا قرآن كل يوم وقبل ما انام بسيبه شغال عشان ابعد الاحلام الوحشة
بس مش بعرف حاسة اني بقيت اتحمل كتير والناس بقت تعلق غبائها عليا..وكأن انا السبب أنا اللي صعبة الفهم والتعامل
مش بيفكروا ان هما مش قادرين يفهموني الحمد لله انا كويسة نوعا ما بالنسبة للاسبوع اللي فاتوبحاول مكتبش بقصد اي حاجة ادبية...(ماعدا الشخابيط اللي ف ورق المذاكرة)

مستنية حاجة برضه مش عارفاها تطمني...يارب هونها عليا شوية

شفتني مرة واحدة وحطتني في خانة غلط خانة مكنش ينفع ابقي فيها

اعمل ايه ما هو اللي اتكسر لا يمكن يتصلح

معدش يفرق معايا انا في انهي خانة عنده

أنا كمان هحطه في خانة غلط

ما هو ده جزائه اصله ميعرفش أن الجزاء من جنس العمل

27 /9 /2015

كل إنسان عنده شوية خانات بيقعد طول حياته يحط الناس في الخانات بتاعته , ساعات كتير الإنسان مش بيعرف يحكم علي اللي قدامه كويس أو يشوفه زي ما هو , فبيحطه في خانة غلط وعلي هذا الأساس بيدأ يتعامل معاه غلط وممكن يترتب علي الخانة غلط مشاكل كتير ... علشان كده قبل ما أحط أي حد في أي خانة بفكر مليون مرةهو يستحق الخانة دي .. وبركز أوي أحسن أحطه في خانة غلط .....

ناس كتير بيحطوني في خانات غلط أنا مينفعش أبقي فيها .

اخرج في موعد مع فتاة تحب الكتابة.

المقالة ديه لشخص مجهول الهوية,,,,,,,

اخرج في موعد مع فتاة تحب الكتابة. اخرج في موعد مع فتاة لم يسبق لك أن رأيتها في ملابس نظيفة تمامًا، بسبب قهوتها التي تحملها معها دائمًا، وبسبب بقع حبر قلمها. ولديها مشاكل دائمة في ترتيب غرفتها، وجهازها المحمول ليس مملًا على الإطلاق لأن داخله كلمات كثيرة، وعوالم كثيرة، تتحرك أمامها في الهواء. تقرأ في شاشتها صفحات مليئة بالغرابة. وترى في الأسفل أيقونة أغنية مشهورة وهي ترقص في أذنها. تراقبها وهي تقرأ عن تاريخ كاثرين العظيمة، وعن خلود قناديل البحر. تضحك بشدّة حين تخبرك أنها نسيت تنظيف غرفتها، وملابسها مبعثرة حول أغلفة الكتب وتعتذر منك وتخبرك أنها ستحتاج وقتًا أطول لتنزل إليك. وأن حذاءها مخبّأ أسفل جبل من الأقلام المكسورة التي كانت تحتفظ بها منذ أن كان عمرها ١٢ سنة
قبّلها أسفل عمود الإنارة عندما تمطر السماء، وأخبرها عن تعريفك للحب
ابحث عن فتاة تحب الكتابة. ستكتشف أن لديها حس فكاهة عاليًا، أنها متعاطفة وحنونة لدرجة بالغة، أنها ستحلم وتبتكر عوالم وأكوانًا كاملة لأجلك. هي التي ينحني الظل أسفل عينيها، هي الفتاة ذات رائحة القهوة والكوكاكولا وشاي الياسمين الأخضر. هل رأيت تلك الفتاة، ظهرها متقوّس باتجاه مفكرتها الصغيرة؟ تلك هي الفتاة الكاتبة. أصابعها ملطخة أحيانًا بالجرافيت والرصاص، وبالحبر الذي سيسافر إلى يدك عندما تتشابك مع يدها. هي لن تتوقف أبدًا عن تذكّر المغامرات، مغامرات الخونة والأبطال. مغامرات الضوء والظلام. الخوف والحب. تلك هي الفتاة الكاتبة. لا تستطيع أبدًا مقاومة ملء صفحة فارغة بالكلمات، مهما كان لون الصفحة
هي الفتاة التي تقرأ بينما تنتظر قهوتها أو شايها. هي الفتاة الهادئة بموسيقى صاخبة في أذنها. وإذا اختلست النظر إلى كوبها ستجد أنه أصبح باردًا، لقد نسيته تمامًا كما تفعل دائمًا
وإذا رفعت رأسها وتذكرت أخيرًا، اعرض عليها أن تطلب لها كوبًا آخر. سوف ترد لك جميلك هذا بقصصها التي تكتبها لك. وإذا أغلقت جهازها المحمول، أعطها رأيك في تولستوي، وأخبرها عن أفضل نظرياتك حول هانيبال وعبوره الكبير لجبال الألب. حدّثها عن شخوصك، عن أحلامك، واسألها إذا كانت انتهت من كتابة روايتها الأولى
من الصعب أن تخرج في موعد مع فتاة تحب الكتابة. لكن كن صبورًا معها. وقدّم لها كتبًا في عيد ميلادها، ومذاكرات جميلة للكريسمس ومناسبات العام، فواصل للكتب، والكثير جدًا جدًا من الكتب. أعطها هديّة الكلمات، دعها تشعر أنك خلفها في كل خطوة على الطريق، رغم التقاطعات الخادعة والماكرة بين الحقيقة والخيال
سوف تعطيك فرصة
لكن لا تكذب عليها. لأنها سوف تفهم ما وراء كلماتك. سوف تكون محبطة جدًا لأنك تكذب عليها، لكنها ستتفهم. ستتفهم أنه أحيانا حتى الأبطال يفشلون، وأن النهايات السعيدة تتطلب وقتًا. هي واقعية. وليست عجولة أبدًا، ستتفهم بأن لديك أخطاء. ستقدّس أخطاءك، لأن الفتاة التي تكتب تفهم معنى الحبكة. وتفهم أن النهايات يجب أن تحدث، مهما كانت سعيدة أو حزينة
الفتاة التي تحب الكتابة لا تتوقع الكمال منك، لأن قصصها غنيّة بالتحولات، وشخصياتها متعددة الأوجه بسبب عيوبها الكثيرة المثيرة للاهتمام. هي تفهم أن الكتاب الجيد لا يجب أن يكون مليئا بالشخصيات المثالية. أن الأشرار والأخطاء التراجيدية هي ملح الكتب. الفتاة التي تحب الكتابة ستتفهم أنك بشر وأن أخطاءك واردة
كن رفيقها، كن حبيبها، كن حلمها، كن عالمها
إذا وجدت فتاة تحب الكتابة، فحاول إبقاءها بالقرب منك. إذا وجدتها مستيقظة عند الثانية صباحًا، تكتب بشراسة وأضواء الشاشة تنير وجهها ضع اللحاف بلطف على ظهرها حتى لا تصاب بالبرد. اصنع لها كوبًا من الشاي، واجلس بجانبها. قد لا تنتبه لوجودك أصلا وتغادرك إلى عوالمها البعيدة داخل الكتابة، لكن هذا سيستغرق دقائق فقط، ثم ستعود إليك ممتلئة بالكنوز. وأنت ستؤمن بها في كل لحظة، وأنتما أمام ضوء الشاشة، لا يستطيع أحد أن يقوم بقهركما في هذا الظلام المقدّس
هي شهرزادك. عندما تخاف من الظلام سوف تقودك من يدك، كلماتها تتحول إلى مصابيح، إلى أضواء ونجوم وشموع تقودك عبر أكثر أيامك ظلامًا. ستكون هي الفتاة التي ستنقذك. سوف تسرقك بعيدًا على متن منطادها الهوائي، وستكون مسحورًا بها. هي مؤذية وهي لعوبة، ولكنها هادئة، وعندما تضطر لقتل شخصية من شخصياتها المحبوبة في القصة، وعندما تبكي، احضنها وأخبرها أن كل شيء سيكون على ما يرام.
سوف تتقدم أنت لطلب يدها للزواج. ربما على قارب وسط المحيط، ربما في كوخ صغير بجبال الأبلاش. ربما في نيويورك. ربما شيكاغو. بالتيمور. ربما خارج مبنى دار النشر التي تعاقدت معها. لأنها مشرقة ومتوهجة في أي مكان تذهب إليه. ربما حتى خارج السينما حيث كانت قبلتكما الأولى تحت المطر. ستخبرك أن كل هذا مكرر ومستهلك، لكن التماعة عينيها ستخبرك بالحب داخل قلبها والجنون الذي تخفيه عنك. سوف تبتسم أنت بشدة عندما تتحدث معك، قلبك سوف ينسى نبضة أو نبضتين حين تمسك بيديك وتكتب القصص عن حياتك وحياتها. سوف تقترب منك كثيرا وتحتضنك، سوف تخبرك بالأسرار في أذنك. هي لطيفة وتحبك، تذكر هذا. هي صنعت نفسها بنفسها، وهي رائعة الصنع. قد يكون اختيارها لأسماء أطفالكما سيئا، ولكنك سوف توافق عليها
الفتاة التي تحب الكتابة ستحكي لأطفالك قصصًا بالغة الجمال والسحر
لأن هذا هو أجمل ما تملكه. لديها الخيال، ولديها الجرأة، وسيكون هذا كافيًا. سوف تنقذك في محيطات حلمها. ستكون فارستك، وستكون عالمك، في انحناءة ابتسامتها، في اللون البندقي لعينيها، في الكلمات التي تنهمر منها كالسيل، كالموجة، ساحرة إلى درجة تجعلك تخسر أنفاسك لصالحها، هي الفتاة التي تحب الكتابة
ربما لا تكون متقنة تماما لقواعد اللغة، لكن لا بأس بذلك
اخرج في موعد مع فتاة تحب الكتابة لأنك تستحق هذا. هي ظريفة ومتعاطفة، غامضة بعض الأحيان. ولديها حياة مليئة بالألوان أكثر من أي فتاة أخرى
الفتاة التي تحب الكتابة تفهم الواقع. ستغيظك في بعض الأوقات، وربما يصل بك الأمر لكرهها، وربما تكرهك هي أيضًا. لكن الفتاة التي تحب الكتابة تفهم طبيعة الإنسان، وتفهم بأنك ضعيف. لن تتركك في منتصف الليل وتركب القطار عند أول لحظة تبدأ فيها الأمور بينكما بالتداعي. سوف تفهم أن الحياة ليست كالقصص، لأنها بينما هي منهمكة في كتابة قصصها، هي تعيش معك في الحياة
اخرج في موعد مع فتاة تحب الكتابة
لأنه لا يوجد شيء أفضل من الخروج في موعد مع فتاة تحب الكتابة

فرصة تانية

     
   اعطاني فرصة تانية
من الممكن ان يعيش الانسان علي فرصة وفي هذه الفرصة  حاسة بالغدر او حاجة شبة كده ,,حاسة بظلم انانية اتخاذ القرارات المصيرية ,وموجوعه ,وجع سينين فاتت مخلوط بالوجع الجديد اللي كنت تناسيته,,غضبانة اوي و الغضب بياكل في روحي ,غضبانة عشان مش المفروض ده اللي يحصل..اكتشفت ان فيه ناس تقدر تحمل عليهم وناس لأ.....مش عشان الناس بتوع ال لأ وحشين ولا حاجة .. بس عشان مش واخدين بالهم او مش فارق معاهم.......فيه ناس كمان بيطلعولك كدة في وقت الزنقة .. مبتشوفهمش أو مبتحسش بقيمتهم إلا فيه...
..................
أنا محتاجة الاجازة
ومحتاجة فرصة
شبه اخيرة

قاعدة على الكنبة .. المروحة شغالة .. تركيز شديد فى المروحة وهى بتلف .

 هل راودك شعور الأنغماس فى تفكيرك لدرجة تفقدك اتصالك بواقعك ؟؟
هل شعرت يوما باندماج أفكارك واختلاطتهم تماما كاختلاط  السكر بالماء عند تقليبه ؟
احيانا يراودنى هذا الشعور .. احيانا أحس وكأننى فى عالم آخر بعيد عن عالمنا هذا ..
أحس كأننى فى برج عال وأشاهد الناس من فوق ..
حتى أننى اشاهدنى أنا شخصيا ,, أشاهد تصرفاتى وأفعالى وذكرياتى وكأن شخص آخر قد شارك فى كل هذا !!

يوم جميل

زبادي حبنا

أول ما رمضان يجي تظهر الأطباق والكوبايات الفخار وبسم الله الرحمن الرحيم وهنبدأ الليلة ونحتفل بمراسم الزبادي البيتي … كنت اقف قدام اللبن لحد ما يغلي وبعدين اعمل كوباية شاي لبابا لحد ما اللبن يهدى والفرعون العاشق يجهز للإحتفال … يدخل المطبخ كشيف محترف يتأكد إن اللبن دافي وبعدين يصبه في الخلاط ويضرب معاه زبدية صغيرة خميرة ويصب الخليط في الاطباق والكوبايات الفخار اللي من ضمن مهامي الوظيفية غسلهم اول بأول، يظبط حرارة الفرن ويدخلهم ويسيبهم لحد ما يتحولوا لزبادي وادخلهم التلاجة عشان ناكلهم على السحور. يخلص السحور ويمسك الطاجن الفخار الصغير ويبصله بصة جواهرجي مستمتع بلمعة جوهرة إستنى كتير عشان يشوفها … بابا  بيحب الأكل وبيستمتع بيه حقيقي بس دايما الزبادي له قدسية ومعاملة خاصة يغلب عليها الإحترام والشغف، على مدار السنة بيتنا دايما فيه زبادي لكن لما بيجي رمضان بيتنا بيتحول للمقر الرسمي للإحتفال بالعيد القومي للزبادي.

حبك اللي بقي متعب..اووي..

 ممنوع الزعل ....... بالصورة حلوة

بجد مش فاهماك انت عايز ايه بالضبط :

 اللي بتعمله ده حب ولا ايه بنكرهني ولا بتتسلي 

ملعون الاسئلة ملعون ده حب اللي يخليك تُحبط كل ما تفكر في عاداته وعادات ناسُه اللي بتمثل قمة الغلط

ملعون ده مجتمع عنصري خلاني أكره إني بنت بدل المرة ألف مرة...كأني إنسانة درجة تانية

عن كم التناقض اللي يخض اللي بقي جوايا مابقيتش عارفه انامتناقضة ولاانت

وكما قالت فيروز:" وانت اللي بكرهه واللي بحبه انت"

وكما قالت الست:"انت النعيم والهنا و انت العذاب و الضنا"

دي حتي إليسا كمان قالت:"من حبي فيك خلاص قربت اكرهك"

حبك ببساطه  بيفرحني وبيتعبني ويبسطني ويعيطني ويريحني ويشقلبني ويهبدني ع الارض ويطلعني ع السحاب ويسحب السحابه من تحت رجلي ف اقع زرع بصل وبعدين يمد ايده يطلعني ف اغرق اكتر ورجلي تغرز ويرقصني وشوقتني ويأرقني وشرح قلبي ويوجعه ف نفس ذات اللحظة

لك ان تتخيل بقي ..!

مكان فارغ

شايفين الطيارة اللي فوق دي انا ال سايقاها  مش عارفه مين يستحق يركب جنبي اعتقد الانسانة الل بتهتم بيا رؤئه اختي اللي اول ماشوفته تمنيت ف سري تكون حبيبتي
               
           

                       

عن البنت اللي مبترضاش تساعد نفسها

البنت الذكية الغبية اللي مبترضاش تساعد نفسها دي صاحبتي
صاحبتي مبترضاش تستقبل مني اي رسايل كل رسايلي ليها متعلقة مش راضية تفهمها
صاحبتي مش بتفهم ليه انا بكره صاحبتها
ومش بتفهم ليه انا بلعن الشر والاذي لما تجيب سيرتها
صاحبتي مش بتفهم صمتي المفاجئ وشرودي
صاحبتي معندهاش خيال مبتعرفش تتخيل ان اقوي ضرر واكبر اذي ممكن يجيلنا من ناس فاكرين ان احنا بنحبهم اوي
صاحبتي مبحبهاش لما تقولي حاضر حاضر حاضر ربنا يكفينا شر حاضر بتاعة تقفيل المواضيع دي
صاحبتي من كتر ما الحقيقة بقت قريبة منها بقت بين عينيها وهي مش عايزة تشوفها
صاحبتي اللي بحبها مبقتش تفهم ليه انا كل مشوفها بتنهد تنهيدة كبيرة اوووووووي وبغمض عينيا
مبرضاش اقلها ان الالم اللي بتيجي الصبح مرسوم علي وشها انا عارفة مين اللي رسمه
انا عارفة مين فنان الالم بس مرضاش اقول عشان وهم انصاف الالهة في حياتنا
لما بيتحطم بيبقي مؤلم اووووي وانا خايفة عليها تموت من الالم
هرتلات مابعد الضهر

عزيزتي / نور

الي نور يمكن انتي اللي بتعرفي تحميني من ولاد....... عيب كده

يوم سبيشيال عشان عيد ميلاد حمامة السلام

او اختيتي اللي عمري ما قلت عليها صغيرة عشان هيا فعليا كبيرة اوي

اول واحدة مدخلتش البلوجر

كل سنة وانتي طيبة يانور

قبل ما ابدأ البوست اصلا عديت على اكونتك

واكتشفت حاجة غريبة

ان انا اللي ف الاكونت ده مش انتي ده مش انتي

كل حتة فيها مني..فعليا

الاغرب ان أقدارنا متشابهة بشكل عجيب

انتي زيي بس على أنقى وأحلى برغم المسافة

وبرغم ان كل ترتيب للقاءنا بيحصل فيه حاجة تفركشه ..بس مش مشكلة صبراً بقى

مفروض كنت اقطفلك سحاباية على هيئة غزل البنات واجبلك شوكولاته

بس لأن الظروف الجوية مش متظبطة فشكلك هتتنازلي عن الهدية ديه

خدي البالونات كلها اللي عاوزاها

..

انا مش عارفة انا برغي ليه وانا اصلا مش قادرة

بس كان لازم اقولك كل سنة وانتي اختيتي..

لالالالالالالالالالالالا مانسيتش هديتك اهيه

فون بدل تلفونك الكاحيان استني بس ده احدث من بتاع بت اسراء وحسام هتتصوري بيه سيلفي بوق البطة وهنفرس رؤئه بيه
بس بقا تورتة عيد ميلادك

اه دفعت فيها دم قلبي ههههههههههههه غالية بقا
فستان لحضور فرحي هههههههههههههه في 2080

لا ب توب hpعشان تسيبيه حسام في حاله

اظن هديتك واجهزتك وفساتين كفاية اوي انا لسه مالعبش معايا الزهر هههههههههه

النهارده حر موت

اليوم انهارده حر بطريق فظيعة قعدة لوحدي  وقلبي قنبلة موقوتاه قابله للانفجار اوقابلة للاشتياق للبحث عن شخص ما، شخص بإمكانه أن يشعل معي زجاجة مولوتوڤ ويقذفها، ثم يقذف بالمزيد من الغازولين فوقها. أريد أن أهتف دون اكتراث ثم أبحث عن شيء قابل للاحتراق لأعود بسرعة وأضيفه للنيران، سيحترق جلدي وشعري بسبب الانفجار ولكن قلبي سيبقى سعيدًا وعينيّ ستبتسمان للأبد

الذي تفعله الفتيات بعد الواحدة صباحا

تجلس الفتيات علي السرير تحاكي فارسها وانا اجلس انظر لهما علي امل ان اكون مثلهم في يوما ما يحاكيها في رومانسية
او تشرب نسكافية زي حالاتي
او تبحث عن حليوة زي مايكل جاكسون

مصطفي النصاب

هتكلم عنه لاني مكنتش عارفه اعمل بلوجر طلب مني مبلغ بس المد لله اني مكنش معايا الفلوس ساعتها عرفت ان ربنا ليه كان مخلي مش معايا فلوس احمدك يارب

مبسوطة جدا وعايزه اكتب كتير 

اول بوست في مدونتي

انا منشكحة اوي اول بوست اهديه ل the five البيت الاخر لي ماكدبش انها تطورت مني وغيرتني كتير اوي